Gwelwyd lleihad yn y cynulleidfaoedd ar ôl yr Ail Ryfel Byd, a gwaethygu wnaeth y sefyllfa hyd nes bu rhaid cau'r Capel ym 1987. Erbyn hynny 'roedd cyflwr yr adeilad yn wael iawn.

Prynwyd y Capel gan Gyngor y Dref ym 1987, ac ym 1991 cwblhâwyd cynllun adnewyddu a chrewyd Neuadd Ddinesig ysblennydd sydd wedi cadw cymeriad hanfodol yr adeilad gwreiddiol. Mae'r cyn-ysgoldy cyfagos wedi ei drawsnewid i ganolfan gymunedol. Cydnabuwyd y cynllun adnewyddu gan Wobr Pwyllgor Tywysog Cymru am adnewyddu adeiladau hanesyddol.